kzruen

Сенім телефондары:

8 (7292) 57 12 16

8 778 959 84 60

Call-орталығы:

8 (7292) 60 58 23

Сейдалиев Асқар Әбиұлы

Басқарма басшысы

қауырт желі

110

Горячая линия

Маңғыстау облысының терроризмге қарсы күрес комиссиясы Антитеррористическая комиссия Мангистауской области

 

Мобильные приложения:
kzruen
Мобилді нұсқа

18 қыркүйек 2019, Сәрсенбі

Сұрақ-жауап

27 тамыз 2019 15:51   Нұралықызы Назира

Балабақшада санат алу туралы

Сәлеметсізбе, мен 2013 жылдан бері балабақшада жұмыс жасаймын. 2016 жылдан бері әдіскер лауазымын атқарып келемін. Білімім жоғары, мамандығым биология және химия пәннінің мұғалімі. Сырттай Орал қаласында мектепке дейінгі тәрбие мен оқыту мамандығының (жоғары) сырттай бөлімінде оқып жатырмын. Әдіскерліктен біліктілік курстарынанда өттім. Сұрағым, әдіскерліктен санат алуыма болама? Заңдылығын көрсетіп берсеңіз.

Жауап:

«Мектепке дейінгі тәрбие мен оқытуды, бастауыш, негізгі орта және жалпы орта білімнің жалпы білім беретін оқу бағдарламаларын, техникалық және кәсіптік, орта білімнен кейінгі, қосымша білімнің білім беру бағдарламаларын және арнайы оқу бағдарламаларын іске асыратын білім беру ұйымдарында жұмыс істейтін педагог қызметкерлер мен оларға теңестірілген тұлғаларды және білім және ғылым саласындағы басқа да азаматтық қызметшілерді аттестаттаудан өткізу қағидалары мен шарттарын бекіту туралы» Қазақстан Республикасы Білім және ғылым министрінің 2016 жылғы 27 қаңтардағы № 83 бұйрығына сәйкес жүргізіледі.  

19 тамыз 2019 14:09   Исгендер Асқар Мұрсатбайұлы

Оқу мәселесі

Грант иегерлерінің тізімін ЗКМУ им. Марат Оспанова (Aқтөбе) универіне қашан жібересіздер?

Жауап:

Құрметті Асқар Мұрсатбайұлы! 2019-2020 оқу жылының грант иегерлерінің тізімі жоғары оқу орындарына ағымдағы жылғы 20 тамызға дейін жолданатындығын қаперіңізге береміз. 

9 тамыз 2019 14:58   Фариза Мусабековна

Аз қамтылған отбасыларға әлеуметтік льготалары

Саламатсыз ба, Сізден 1-4 сынып оқитын әлеуметтік аз қамтылған отбасылар балаларын тегін тамақтану қарастырылған ба? Қандай құжаттар және қайда тапсыру керек екен?

Жауап:

Құрметті Фариза Мусабековна! Білім басқармасы Сіздің 1-4 сыныпта оқитын әлеуметтік аз қамтылған отбасылар балаларының тегін тамақтануы, қажетті құжаттардың тізілімі туралы арызыңыз бойынша келесіні хабарлайды. Қазақстан Республикасы Үкіметінің 25.01.2008ж. № 64 қаулысына және 27.07.2007ж. «Білім туралы» Заңының 4-бабына сәйкес, мемлекеттік білім беру мекемелерінде білім алушылар мен тәрбиеленушілерге қаржылай және материалдық көмек көрсетуге бөлінетін қаражат: 1.мемлекеттік атаулы әлеуметтік көмек алуға құқығы бар отбасылардан шыққан балаларға; 2.мемлекеттік атаулы әлеуметтік көмек алмайтын, жан басына шаққандағы табысы ең төменгі күнкөріс деңгейінің шамасынан төмен отбасылардан шыққан балаларға; 3.жетім балаларға, ата-анасының қамқорлығынсыз қалып, отбасыларда тұратын балаларға; 4.төтенше жағдайлардың салдарынан шұғыл жәрдемді талап ететін отбасылардан шыққан балаларға; 5.білім беру ұйымының алқалы басқару органы айқындайтын білім алушылар мен тәрбиеленушілердің өзге де санаттарына тиесілі. Білім алушылар мен тәрбиеленушілерге қаржылай және материалдық көмек көрсетуге бөлінетін қаражат (киім, аяқ киім, оқулықтар, оқу құралдарын, мектеп-жазу құралдарын сатып алуға, оқитын жерінде тамақтандыруды ұйымдастыруға, қаржылай көмек көрсетуге, санаторий-курорт ұйымдары мен демалыс лагерьлеріне жолдамалар сатып алуға, білім алушылардың мәдени-бұқаралық және спорттық іс-шараларға қатысуына) жұмсалады. Білім алушылар мен тәрбиеленушілерге қаржылай және материалдық көмек көрсетуге қаражат ата-аналарының немесе олардың орнындағы адамдардың не кәмелеттік жасқа жеткен білім алушының өтініші негізінде бөлінеді. Ата-аналардың немесе олардың орнындағы адамдардың не кәмелеттік жасқа жеткен білім алушының өтініші бірінші басшының атына білім беру ұйымына беріледі. Өтінішті алқалы орган алған күннен бастап күнтізбелік 15 күн ішінде қарап, жауабын береді. Ата-ана немесе заңды тұлға тегін ыстық тамақпен қамтамасыз ету туралы өтінішпен бірге төмендегі құжаттарды бірге ұсынуы тиіс:  1.өтініш иесінің (отбасының) жергілікті атқарушы органдар ұсынатын мемлекеттік атаулы әлеуметтік көмек алушыларға тиесілілігін растайтын анықтама; 2. табысы туралы (жұмыс істейтін ата-аналардың немесе олардың орнындағы адамдардың жалақысын, кәсіпкерлік және өзге де қызмет түрлерінен түсетін табыс, балаларға және асырауындағы өзге де адамдарға алименттер түріндегі табыс) мәліметтер;  3. жетім балалар мен ата-анасының қамқорлығынсыз қалған, отбасыда тәрбиеленетін балалар үшін қорғаншылықты (қамқоршылықты), патронаттық тәрбиелеуді бекіту туралы уәкілетті органның шешімі; 4. Көретілген санаттарға қаржылай және материалдық көмек көрсету туралы шешім қабылдау барысында алқалы орган қажет болған жағдайда қажетті құжаттарды сұратады. 

8 тамыз 2019 13:40   Кошбай Жанар Базарбайқызы

Ақылы оқу гранты жөнінде

Құрметті: Сейдалиев Асқар Абиевич! Менің есімім Көшбай Жанар Базарбайқызы. Қызан ауылының тұрғынымын. Мамандығым мұғалім. Әліби Жангелдин орта мектебінде қазақ тілі әдебиетінен сабақ беремін. Жалғызбасты анамын. 3 балам бар. Жолдасым 2012 жылы ауыр науқастан қайтыс болды. Үлкен балам биыл "алтын белгі" иегері атанды. ҰБТ дан 97 балл алған болатын. Таңдаған мамандығы "Туризм" және "Мейрамхана ісі" . Алайда мемлекеттік оқу грантына іліне алмады. Енді басқа мамандық таңдауға,ҰБТдан таңдаған пәндері сәйкес келмей тұр. Осы жағдайымды ескере отырып,тегін оқуға ықпал етуіңізді сұраймын.

Жауап:

Білім басқармасы Сіздің грант мәселесіне қатысты жазған сұрағыңызға сәйкес жауап береді. Балаңыз мемлекеттік грантты иеленбеген жағдайда өңірге қажетті мамандықтар тізбесінде «туризм» және "мейрамхана ісі және мейманхана бизнесі" мамандықтары бар екендігін хабарлайды. Ағымдағы жылдың 5 - 10 тамыз аралығында жергілікті бюджет есебінен берілетін білім гранты конкурсына қатысуына болады. Білім гранты конкурстық негізде тағайындалады. Өтініш Ш. Есенов атындағы. Каспий мемлекеттік технологиялар және инжиниринг университетінің ғимаратында қабылдануда. Грант конкурсы туралы хабарландыру облыс әкімдігі мен білім басқармасының сайтында жарияланды. Ақпарат алу үшін білім басқармасының 8/7292/571204 телефонына хабарласуыңызға болады. 

15 шілде 2019 10:17   Мұхамбетқали Махмуд

Баланы қамқорлығыма алу.

Саламатсызба! Мен Мұханбетқали М.М. 14.08.2013 жылы Бисенғали Ақбота Ерланқызымен некеге тұрдым. Арамызда 3 бала бар. Үлкені Мұханбетқали Рухия Махмудқызы 09.10.2014 жылы туылған ЖСН 141009601949, одан кейін екі егіз қызым Мұханбетқали Әмина Махмудқызы 22.11.2016 жылы туылған ЖСН 161122603369 және Мұханбетқали Мәдина Махмудқызы 22.11.2016 жылы туылған ЖСН 161122603359 ортада балаларымыз бар. Үш қызым да Ақтөбе облысы, Ақтөбе қаласында дүниеге келген. 08.08.2018 жылы Бисенғали А.Е. заңды түрде ажырастық. Қазіргі уақытта Бисенғали А.Е. Ақтау қаласы, Шетпе ауданы, Жетібай станциясы №6 үйде тұратын Меңдіғали есімді азаматқа 30.12.2018 жылы тұрмысқа шықты. Екі қаланың алшақтығына байланысты бір баланы үлкен қызымды өз қамқорлығыма алғым келеді. Соған байланысты қандай құжаттар қажет, арызды қай бөлімге жазамын, қандай талаптары бар білсем бола ма?Рахмет

Жауап:

Құрметті Мұхамбетқали Махмуд! Маңғыстау облысының білім басқармасы Сіздің блогқа жазған сұрағыңыз бойынша келесіні хабарлайды. «Неке (ерлі-зайыптылық) және отбасы туралы» Қазақстан Республикасының 2011 жылғы 26 желтоқсандағы № 518-ІV Кодексінің 118, 117 баптарына сәйкес, қамқорлық тек тұл жетім және ата-ана қамқорлығынсыз қалған балаларға тағайындалады. Сондықтан Сіз өз балаңызды қамқорлықа алу үшін, сотқа жүгіне аласыз. Сотқа баланың тұрғылықты жерін анықтау бойынша арыз жазасыз және қандай құжаттар  қажет екендігін соттың кеңсесінен біле аласыз.  

12 шілде 2019 09:35   Жанна А.Т

Балабакшаға жолдама алу бойынша

Балам 2016 жылы қараша айында туылған.Мен таңдаған балабақша балаларды 3 жастан бастап қабылдайды екен. e.openmangystau.kz. бойынша жолдама алуым үшін балам толық 3ке толу керек па ,әлде сол жылы сай келсе жолдама ала беруіме болама ?

Жауап:

Құрметті ата-ана! Қазақстан Республикасы Білім және ғылым министрінің 2013 жылғы 29 мамырдағы № 206 бұйрығына сәйкес, балабақша үш жастан бастап алты (жеті) жасқа дейінгі балаларға арналған мектеп жасына дейінгі топтардың болуын қарастырады. e.openmangystau.kz ақпараттық жүйесінде Сіздің кезегіңіз келген жағдайда, Сіз көрсеткен электрондық пошта мен телефон нөміріне кезегіңіздің келгендігі туралы хабарлама келетіндігін қаперіңізге береміз. Ақпарат алу үшін білім басқармасының 8/7292/571204 телефонына хабарласуыңызға болады. 

12 шілде 2019 09:32   Сисенгалиева Злиха

Жергілікті бюджет есебінен берілетін оқу гранты туралы

Саламатсыз ба? Осы жылы Жергілікті бюджеттен медицина мамандығына қанша грант бөлінетіндігін және конкурс қашан өтілетіндігі туралы мәліметтер беруіңізді сұраймын.

Жауап:

Құрметті Злиха Сисенғалиева! Маңғыстау облысының әкімдігі 2019-2020 оқу жылдарына арналған жергілікті бюджет есебінен конкурстық негізде өңірге қажетті мамандықтарға білім беру гранттарын тағайындады. Конкурс туралы хабарландыру білім басқармасының сайтында жарияланды.  Өңірге қажетті мамандықтар тізбесінде «жалпы медицина» мамандығы бар және оған 60 білім гранты бөлінген. Құжаттар ағымдағы жылдың 5-10 тамыз аралығында Ақтау қаласындағы 32 б ш/а, облыстық дарынды балаларға арналған мектеп - интернаты ғимаратында қабылданады. Ақпарат алу үшін білім басқармасының 8/7292/571204 телефонына хабарласуыңызға болады.  

12 шілде 2019 09:30   Ментурганов Мейрамбек

Облыс әкімінің грантты

Сәлематсыз ба?! Сіздер облысқа қажетті гранттар тізімін мамыр маусым айларында жариялаймыз деген ақпарат берген едіңіз. Мен мамандықтар тізімін көре алмадым?

Жауап:

Құрметті Мейрамбек Ментурганов! Жергілікті бюджет есебінен берілетін білім гранты конкурсы туралы хабарландыру а.ж. 5 шілдесінде әлеуметтік желілерде, облыс әкімдігі мен білім басқармасының сайтында жарияланды. Ақпарат алу үшін білім басқармасының 8/7292/571204 телефонына хабарласуыңызға болады 

4 шілде 2019 11:55   Сая Жұманазарова

Сыбайлас жемқорлық

Мектепте 2,5 штаттық (1,5 штат электрик және 1 штат ғимарат кешенін жөндеуші) қызметте жүріп, бала бақшада 1,5 штаттық қарауыл және от жағушы қызметін жасау қаншалықты заңды, және осы қызмет түрлерін мектеп директорының 2017 жылы істі болып 2018 босап шыққан баласы атқаруы дұрыс пе?

Жауап:

Құрметті Д. Жамишева! Сіздің Білім басқармасының сайтына жазған сауалыңыз бойынша төмендегілерді хабарлаймыз. 1. «Істі болған кісіге қатысты» - қызметкер бойынша Қазақстан Республикасының Еңбек Кодексінің 32 бабының 2 тармағына сәйкес, білім беру ұйымдарына «адам өлтіру, денсаулыққа қасақана зиян келтіру, адамдардың денсаулығына және имандылыққа, жыныстық қолсұғылмаушылыққа қарсы, экстремистік немесе террористік қылмыстар, адам саудасы сияқты қылмыстық құқық бұзушылық жасаған» азаматтар педагогтік қызметпен айналасуға жіберілмейді. 2. Қазақстан Республикасының Еңбек Кодексінің 68 бабына сәйкес жұмыс уақытының қалыпты ұзақтығы аптасына 40 сағаттан аспауы тиіс. Сонымен қатар, сауалдағы мұғалімдердің сағат санына қатысты ақпаратты толық және нақты зерделеу үшін білім беру ұйымдарының атауы және артық сағатпен жұмыс жасап жүрген педагоготардың аты- жөнін қажет етеді. 

3 шілде 2019 09:35   Жамишова Д.С

Директордың баласы мектепте жұмыс жасай ала ма?

Маңғыстау облысының бір мектебінде мектеп директорының баласы 2017 жылы істі болып 2018 жылы бостандыққа шыққаннан кейін анасы директор болып отырған мектепке 2,5 штатпен (1,5 штат электрик және 1 штат ғимарат кешенін жөндеуші) қызметін атқарып жүр. Және дәл сол ауылдағы бала бақшада 1 штатпен қарауыл және 0,5 штат от жағушы болып қызмет атқарып жүр. Мектеп директорының екінші баласы қазақ тілі пәнінің мұғалімі болып сол мектепте сабақ береді, шеті жоқ іссапарларға атаулы жарыстарға сол қазақ тілі пәні мұғалімі бара береді, қазақ тілі пәнінен қосымша сағаттарда сол мұғалімге беріле береді. Туған баласының жолдасыда сол мектепте бастауыш пәні мұғалімі олда дәл солай қосымша сағаттардың барлығы сол мұғалімге беріліп отырады. Директордың сол мектепте жұмыс жасайтын басқада алыс жақын ағайын туысы, келіні дегендер жетіп жатыр.

Жауап:

Құрметті Д. Жамишева! Сіздің Білім басқармасының сайтына «Директордың баласы мектепте жұмыс жасай ала ма?» деген сауалыңыз бойынша төмендегілерді хабарлаймыз. 1. Мектеп директорлары әкімшілік қызметкерлер болғандықтан, Қазақстан Республикасының «Мемлекеттік қызмет туралы» заңына сәйкес, мектеп директорларына қолданылмайды. Осыған сәйкес, білім беру ұйымдарында мекеме басшысының жақын туыстарының жұмыс жасауына шектеулер жоқ. 2. «Істі болған кісіге қатысты» - қызметкер бойынша Қазақстан Республикасының Еңбек Кодексінің 32 бабының 2 тармағына сәйкес, білім беру ұйымдарына «адам өлтіру, денсаулыққа қасақана зиян келтіру, адамдардың денсаулығына және имандылыққа, жыныстық қолсұғылмаушылыққа қарсы, экстремистік немесе террористік қылмыстар, адам саудасы сияқты қылмыстық құқық бұзушылық жасаған» азаматтар педагогтік қызметпен айналасуға жіберілмейді. 3. Қазақстан Республикасының Еңбек Кодексінің 68 бабына сәйкес жұмыс уақытының қалыпты ұзақтығы аптасына 40 сағаттан аспауы тиіс. Сонымен қатар, сауалдағы мұғалімдердің сағат санына қатысты ақпаратты толық және нақты зерделеу үшін білім беру ұйымдарының атауы және артық сағатпен жұмыс жасап жүрген педагоготардың аты- жөнін қажет етеді. 

25 маусым 2019 09:53   Есмағанбетова А.

№4 арнайы балабакша

Салеметсиз бе, менің ұлым №4 арнайы балабакшага 2018 жылдың қазан айынан бастап барады. Менің ата-ана ретінде қойған сұрақтарға сол балабақшадағы баламмен тығыз қарым-қатынаста болатын мамандардан ешқандай толыққанды жауап ала алмадым. Ұлымның басқа балалар секілді дәптер құрал жабдықтары осы күнге дейін толык емес екенін жақында білдім. Осындай сұрақтарды көтеріп түсіндіруін сұрап бастағаннан соң, балам моральдық қысым көріп жүргенін айтты. Ұлыма ПМПК қорытындысында көрсетілген жеке өткізілуге тиісті логопедиялық, дефекталогиялық, психологиялық түзету сабақтары болып жатқандығын көруге, қатысуға мүмкіндік жасалынбаған. Кунделікті болып жататын өз ұлымның жеке сабағына алдын-ала жазылу керек, дәптерлері, жеке сабақ уақыттары ата-аналар үшін қолжетімсіз, ашық түрде көрсетілмейді. Бейне бақылау камералары балалар бөлмесінде емес дәліздерде орнатылғандықтан сабақтың қандай деңгейде өтіп жатқанына көз жеткізу мүмкін емес.Ұлымды орыс тобы қазақ тобына барыңыз дейді, қазақ тобы ұлыңыз орысша сөйлейді орыс тобына барыңыз деп қайтарып жібереді. Осындайдан соң, білікті деген мамандарға қалай сенім артамыз? Бұл болып жатқан жайттар ішкі қызмет тәртібінің босауының салдарынан деп білемін. Ішкі шығындар үшін ай сайын ақша талап етеді. Ата-анамен келісім-шарт жасалынбайды. Бала құқығын қорғау мақсатында осы жәнеде көптеген жәйттарды тексеріп, мән-жайды анықтауыңызды сұраймын. Алдын-ала рахметімді білдіремін.

Жауап:

Құрметті А. Есмағанбетова! Сіздің арызыңыз бойынша Білім басқармасының зерделеу комиссиясын құру туралы 11.06.2019 ж. күні № 67нқ бұйрығы шығарылды. 15.06.2019ж. күні №4 арнайы балабақшада аталған жағдай зерделенді. Арнайы балабақшаның басшысымен сөйлесу барысында балаңыз А.Жантілеуовтің қазақ тобынан орыс тобына бейім екені айтылды. Балалардың балабақшаға келу табелімен салыстырғанда балаңыз балабақшаға қабылданған күннен бастап демалысқа шыққанға дейінгі уақыттың аралығында (11 айдың ішінде) 3 ай 24 күн келген. Арнайы балабақшаның басшысымен сөйлесу барысында балаңыздың қазақ тобынан орыс тобына бейім екені және 01.11.2019ж. күннен бастап орыс тобына ауыстырылғандығы айтылды. Топқа келген кезде артық қосымша жұмыс дәптері болмағандықтан оған көп уақыт келмеген баланың математикадан жұмыс дәптерін және басқа қажетті құрал-жабдықтары ұсынылғандығы анықталды. Сабаққа қатысу мәселесі балабақша басшылығынан алдын ала рұқсат ала отырып, жүзеге асырылады. Ақтау қаласындағы мектепке дейінгі ұйымдарда тәрбиеленушілер үшін орыс тілді мамандардың кадр тапшылығы бар. Арызда көрсетілген тәрбиеші С.Торубаровамен мекеме басшысы ҚР Еңбек Кодексінің 30 бабының 5 тармағына сәйкес еңбек шартына отырған. Аталған тәрбиеші С.Торубароваға жұмысына салғыртықпен қарағаны және келеңсіз әрекеттері үшін 25.04.2019ж. күні №4 арнайы балабақшаның кезектен тыс кәсіподақ жиналысында ҚР Еңбек Кодексінің 64 бабының 2 тармағына сәйкес тәртіп шара ретінде «сөгіс» берілген. Бүгінгі таңда С. Торубарова кезекті еңбек демалысына шыққан. Аталған тәрбиешімен еңбек демалысынан шыққан соң еңбек шарты тоқтатылады.  Сонымен қатар білім беру ұйымдарында  қауіпсіздік деңгейін арттыру мақсатында, Қазақстан Республикасы Ішкі істер министрінің 2019 жылғы 23 қаңтардағы № 49 және Қазақстан Республикасы Білім беру және ғылым министрінің  2019 жылғы 23 қаңтардағы № 32 бірлескен «Мектепке дейінгі және орта білім беру ұйымдарын бейнебақылау жүйелерімен жарақтауға стандарттарды және оларға қойылатын талаптарды бекіту туралы» бұйрығының 7 тармағына сәйкес,  бейнебақылау жүйесімен  ұйымға іргелес жатқан аумақтың периметрі, бас және қосалқы кіру есіктері, адамдар көп жиналатын үй-жайлар (орындар) және білім беру ұйымы басшысының (меншік иесінің) қарауы бойынша басқа да үй-жайлар жабдықталады. Арыздың жауабына келіспеген жағдайда «Жеке және заңды тұлғалардың өтiнiштерiн қарау тәртiбi туралы» Қазақстан Республикасының 2007 жылғы  12 қаңтардағы N 221 Заңының 12 бабына сәйкес шағымдануға болатындығын қаперіңізге береді.  

3 маусым 2019 18:10   Рзаханова А

балабакша

салематсыз ба, менін кызым Асқар Мерейлім ИИН(161110605082) кезекте жеңілдікпен, №69 болып тұр. Биыл қабылдануга мумкиндік бар ма? алты баланың анасы ретінде, қызымды биыл 12 шагынауданнын немесе 13 шагынауданнын балабакшаларынан орын карастыруды сураймын

Жауап:

Құрметті ата-ана! Қазіргі таңда балабақшаға баланы кезекке қою egov.kz электрондық үкімет порталы арқылы жүргізіледі. Кезекке қойылғаннан кейін, е.openmangystau.kz жүйесіне кіріп кезектілікпен танысуға болады. Сондай-ақ, аталған сайтқа кіріп, Ақтау қаласындағы балабақшалардағы бос орындарды қарауға, таңдауға мүмкіндік бар. Балабақшаларға кезектілікке қатысты сұрақтар бойынша Ақтау қаласы әкімдігі жанындағы қызмет көрсету орталығына (3 терезе) әр аптаның сәрсенбі және бейсенбі күндері сағ. 09.00-12.00, 14.00-18.00 аралығында хабарласуға болады.  

3 маусым 2019 11:28   Алипкалиева Тажигуль

Балабақшада ұйымдастырушы педагог жалақысына тәрбиешілік жалақысы қосылады ма

Сәлеметсіз бе! Мен балабакшада 2 санатты,жогары білімді тәрбиеші. Косымша өз еркіммен ұйымдастырушы педагог кызметін атқарамын. Сонда менің еңбек ақыма (ұйымдастырушы педаогке) 2санатым косылып төленеді ме?

Жауап:

Саламатсыз ба! Қазақстан Республикасының «Білім  туралы» Заңының 51 бабына сәйкес, педагог қызметкер бес жылда бір реттен кем емес аттестацияан өтуі тиіс. Білім беру ұйымдары қызметкерлерінің лауазымдары бойынша үлгілік біліктілік сипаттамалары білім беру ұйымдары қызметкерлеріне аттестациялау барысында негіз болып табылады. Үлгілік біліктілік сипаттамаларында мектепке дейінгі тәрбие және білім беру ұйымдарындағы тәрбиешінің лауазымы мен педагог-ұйымдастырушы лауазымы бір-біріне сәйкес келмейді. Сондықтан, екі лауазым бойынша білім алу туралы дипломда немесе отырған лауазымыңызға сәйкес тиісті біліктілікті бекіту жөніндегі қайта даярлау туралы құжаттамада көрсетілген біліктілікке байланысты аттестациядан жеке-жеке өтуді талап етеді. Тәрбиеші мамандығы бойынша белгіленген санат педагог-ұйымдастырушыға теңестірілмейтіндіктен, екінші категорияны алу үшін Сіз аттестациядан өтуіңіз қажет екенін қаперіңізге береміз.  

23 мамыр 2019 18:35   Алипкалиева Тажигуль Ибраевна

Гранттар

Сәлематсыз ба, Асқар Әбиұлы! Мен сізге үлкен сенім артып, жазып отырмын. Менің қызым биыл Алла бұйыртса, санаулы күндерден кейін 11- сыныпты бітіреді.Таңдаған мамандығы-химик, мұғалімдік саласы, қаламызда бұл пән мұғалімі өте тапшы,саусақпен санап аларлықтай. Соған орай, сізден осындай ауадай қажет мамандыққа грант алумызға қандай көмек бере аласыз?

Жауап:

Құрметті Тәжігүл Ыбырайқызы! Қызыңыздың грант иегері атану үшін ұлттық бірыңғай тестілеуге қатысуы керек. Тестілеуге қатысу үшін  өтініш ағымдағы жылдың 1 сәуірі мен  10 мамыры аралығында  қабылданды. Тестілеуді тапсырып, шекті балды жинаған жағдайда қызыңыздың республикалық мемлекеттік грант конкурсына қатысуға мүмкіндігі бар. Грант конкурсына қатысуға өтініш 2019 жылдың 10-20 шілде аралығында  Ш. Есенов атындағы Каспий мемлекттік технологиялар және инжинирг университетінде қабылданады. Ал, республикалық мемлекеттік грантты иеленбеген жағдайда, таңдаған мамандығы өңірге қажетті мамандықтардың тізбесіндегі мамандыққа сәйкес келсе, а.ж. 5 - 10 тамыз аралығында жергілікті бюджет есебінен берілетін білім гранты конкурсына қатысуына болады.  Грант конкурсы туралы хабарландыру а.ж. мамыр - маусым айларында әлеуметтік желілерде, облыс әкімдігі мен білім басқармасының сайтында жарияланады. Ақпарат алу үшін білім басқармасының телефоны: 8/7292/571204.  

22 мамыр 2019 09:30   Қарамырза Нұрлан

Мектепте ақша жинау

Мұнайлы ауданы 14 Мектепте ақша жинау фактісі бойынша бір мұғалім жұмыстан кетті. Менің шағымым бойынша енді немерелерімді сол мектеп шеттетіп жатыр. Осы жөнінде аудан дық білім басқармасына хат жолдадым. Балаларымды шеттетіп кемсіту қашан тоқтайды екен ? Сіздерден көмек сұраймын.?

Жауап:

Құрметті Нұрлан Қарамырза!  Сіздің арызыңыз бойынша анықтау жұмыстары жүргізілді. Немерелеріңіз Қарамурзиева Шадияра (1 сынып) және Нұрлан Дильназ (даярлық тобы) Мұнайлы ауданы, № 14 орта мектебінде оқу жылын аяқтауда. Қазақстан Республикасы «Білім туралы» Заңы негізінде оқушылар негізгі оқулықтармен тегін қамтамасыз етіледі. Аталған мектеп балаларды негізгі оқулықтармен қамтамасыз еткен. Қосымша құралдарды ата-аналар мүмкіндігіне қарай қамтамасыз етуі керек. Сондықтан, немерелеріңізге ата-анасы қосымша құралдар алып берген. Яғни, оқулыққа ақша жинау фактісі анықталған жоқ. 1 В сынып жетекшісі Машанова Римма ақша жинау фактісімен емес, өз еркімен жұмыстан кеткені анықталды.   Білім беру мекемесі ішінде балаларды шеттетуге, кемсітуге жол берілмейді. Бұл жөнінде Мұнайлы аудандық білім бөліміне, мектеп әкімшілігіне ескертілді. Сондай-ақ, Сізге мектептің тәрбиелік шараларына араласуға құқығыңыз бар екендігін қаперіңізге бере отырып, мектепті дамытуға өз үлесіңізді қосуға шақырамыз.  

17 мамыр 2019 16:34   Сахишева Несибели Сисенбаевна

Балабақшаға e.openmangystau.kz сайты бойынша

сәлематсызба, мен 1 аптадан бері осы сайт арқылы жолдама ала алмай жүрмін, нақты кез келген ата - ана ала алама әлде тек садиктен аламыз ба?бір балалақшадан ашылып тұрғанын көрдім ,ал өзімнен ашылмайды

Жауап:

Құрметті Несибели Сисенбайқызы! Қазіргі таңда ата-ана e.openmangystau.kz порталы арқылы кезектілікпен танысып, мектепке дейінгі ұйымдарға жолдаманы ала алады. Порталға жеке электронды цифрлық кілт (ЭЦК) көмегімен кіре аласыз. Порталға кірердегі ақаулар дербес компьютеріңіздің техникалық ақауларына да байланысты болуы мүмкін (NCALayer жүктелу, кэш браузердің толуы т.б). Сонымен қатар аталған порталға кіруге көмекті тұрғылықты мекен-жайыңыз бойынша білім бөлімдеріне хабарласып алуыңызға болатындығын қаперіңізге береміз.  

8 мамыр 2019 11:54   Бекеева М

Мұғәлiмдерге сыйлық жасау дұрыс па?

Салеметсiз бе? Сонгы конырау кунi,ягни мектеп бiтiрушi тулектер директорга ,завучтарга,барлык пан мугалiмдерiне багалы сыйлыктар жасауга мiндеттi ме? Жане де 11 сыныптар емтихан кездерiнде Горонодан жане баска мектептерден келетiн мугалiмдерге (комиссия) дастархан жаюга тиiстi ме? 17 мектеп 

Жауап:

Маңғыстау облысының білім басқармасы Қазақстан Республикасының қолданыстағы заңдарына сәйкес, білім беру ұйымдарында қандай да бір шараларға, сыйлықтарға ақша жинауға болмайтындығын қаперіңізге береміз.  

6 мамыр 2019 09:19

Сохранение образовательного гранта Акима Мангистауской Области

Конарбаева Раушан Акмурзаевна [aikowa92@mail.ru]

Аскар Абиевич, добрый вечер Я, Конарбаева Раушан Акмурзаевна, прошу Вас рассмотреть мое заявление по сохранению образовательного гранта акима Мангистауской области. Моя дочь Маратқызы Нұрай в 2018г. окончила школу сдав ЕНТ на 126 баллов, получила грант акима Мангистауской области в КазНМУ им. Асфендиарова на факультет общей медицины. В феврале 2019г. по неизвестным причинам мою дочь отчислили из университета не объясняя причину. По данному делу нас не ознакомили, ход и результат расследования нам предоставлен не был и нас «попросили» перевестись в КазМУНО. В следствии чего, моя дочь потеряла выданный грант акима. Я, Конарбаева Раушан работаю в сфере медицины, а именно медицинской сестрой в Областной Больнице Мангистауской Области более 24 лет, многодетная мать четверых детей, муж не работает, мы не имеем возможности обучить дочь на платной основе. Прошу Вас оказать содействие в восстановлении образовательного гранта акима Мангистауской области. с уважением, Конарбаева Р.А. Тел: 87016093380 

Жауап:

Уважаемая Раушан Акмурзаевна!       На Ваше обращение о восстановлении образовательного гранта  за счет местного бюджета отвечаем следующее.       Грант из местного бюджета на обучение в Национальном медицинском университете им.С.Асфендиярова по специальности «Общая медицина»  Вашей дочери Маратқызы Нурай было предоставлено в августе 2018 года решением конкурсной комиссии.       Согласно Постановлению Правительства от 23 января  2008 года № 58 «Об утверждении Правил присуждения образовательного гранта для оплаты высшего или послевузовского образования с присуждением степени «бакалавр» или «магистр», был составлен трехсторонний договор (университет-студент-управление образования), где четко указаны права и обязанности студента.       Однако, Маратқызы Нурай отчислена из указанного университета за нарушение академической дисциплины (приказ АО «Национальный медицинский университет» от 14.01.2019 г. №68).       Если Вы не согласны с приказом учебного заведения, просим обратиться в соответствующие органы, для выяснения обстоятельств.       А также, доводим дот Вашего сведения, что восстановление Вашей дочери в данном ВУЗе, не входит в компетенцию управления образования.      При беседе с Вами специалистом управления (К.Кулатаева К.) разъяснено правила участия в конкурсе на образовательный грант из местного бюджета.       Вопрос о повторном получении Нурай государственного заказа за счет местного бюджета определиться до 15 августа 2019 года решением конкурсной комиссии.  

4 мамыр 2019 14:30   Измаxан Толқын

Бос жұмыс орны туралы

Мен Измаxан Толқын Серікқызы Ақтау қаласы, Есенов университетінің ағымдағы жылы магистратурасын "Қазақ тілі/әдебиеті" мамандығы бойынша бітіргелі отырмын. Бакалаврды "Филология" мамандығы бойынша Алматы қаласындағы ҚазҰу - да бітіріп келдім. Ақтау қалалық білім басқармасында қызмет жасағым келеді алдағы уақытта. Бос жұмыс орындарына конкурс қашан болады? Сайтта соңғы өтілген конкурс 2018 жыл қазан айы деп көрсетіліп тұр. Мені жұмысқа ала-аласызба? Раxмет! Алған білімімді елімнің білім саласының көркеюіне жұмсағым келеді!!!

Жауап:

Құметті Измаxан Толқын, Маңғыстау облысының білім басқармасының бос орындарға хабарландыруы Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігінің http://kyzmet.gov.kz/ сайтында жарияланатындығын қаперіңізге береміз.  

24 сәуір 2019 10:09   Кулбаракова Эленора

Шәкірт ақы

Мен коп балалы анамын еки студен окытып отырмын жане бир балам инв жолдасым 70%айлык алады озим жумыста жокпын балама шакир акыны 3 бир сабак анатомиядан соган шакирь акы толеп беруди отинемин

Жауап:

Құрметті ата-ана! Қазақстан Республикасы Үкіметінің  2008 жылғы 7 ақпандағы № 116 «Білім беру ұйымдарында білім алушыларға мемлекеттік стипендияларды тағайындау, төлеу қағидаларын және олардың мөлшерлерін бекіту туралы» қаулысы негізінде мемлекеттік стипендия емтихан сессиясының немесе білім алушыларды аралық аттестаттаудың нәтижелері бойынша «жақсы», «өте жақсы» деген бағаға сәйкес бағалардың баламасын алған, мемлекеттік білім беру тапсырысы бойынша оқитын студенттерге төленеді. Сондықтан, жергілікті бюджет есебінен мемлекеттік тапсырыспен оқитын балаңыз алдағы оқу сессияларында емтихандарды сәтті тапсыруы тиіс.  

12 сәуір 2019 12:02   Набиевна Жазира

Бала бақша

e.openmangystau.kz сайты арқылы 2017 жылғы туылған балама жолдама ала алмай отырмын. Еркін таңдаудағы бос орындардың тізімінде тұрған бала бақшаға жолдама алынбайды. Неге?

Жауап:

Құрметті Жазира Набиқызы! Меншік түріне қарамастан барлық балабақшалар (жекеменшік, мемлекеттік) жас ерекшелігін көрсете отырып босаған орындарды е.openmangystau.kz ақпараттық жүйесіне енгізеді. Сіз таңдаған балабақша балаңыздың жас ерекшелігіне қарай   2-3 жастағы балалардың бос орындарын енгізіп, Сіздің балаңыздың кезегі келген жағдайда кезекке қою кезінде көрсеткен телефон нөміріңізбен электронды мекен-жайыңызға хабарлама келуі тиіс. Ал, жалпыға бірдей еркін таңдаудағы күнделікті  босаған орындарды жергілікті уақытпен сағат 7.00 ден бастап ақпараттық жүйе арқылы қадағалап отыруға болады. Еркін таңдаудағы бос орындардың тізімінде тұрған балабақшаға жолдама келесі себептер бойынша алынбайды: 1. Сіз таңдаған балабақшада орын болмаған жағдайда; 2. Сіз таңдаған балабақша 2017 жылғы балаларға бос орын салмаған жағдайда; Еркін таңдаудағы бос орындардың ішінде 3 жасқа толмаған балаларға жекеменшік балабақшалар мемлекеттік тапсырыспен бала қабылдай алмайды. Себебі, жекеменшік балабақшаларға мемлекеттік тапсырыс тек 3 -6 жастағы балаларға орналастырылады. Сондықтан, балаңыз 3 жасқа толғанда мемелекеттік тапсырыс алатын кез-келген балабақшаға орын болған жағдайда жолдама ала аласыз.  

11 сәуір 2019 17:33   Рауан Даулет

Балабақша тәрбиешілерінің жалақысы

Мен балабақша тәрбиешісімін жоғарғы білімді. Алатын айлығым 60 000тг. 2019 жылы елбасы жолдауы бойынша ең төмен жалақы алатындарға ғана ақша қосылды, яғни арнаулы орта білімді және тәрбиеші көмекшілерінікі көбейді. Олар қазір жоғарғы білімді тәрбиешінің жалақысымен бірдей 60000 тг айлық алады. Ал бізге ештеңе қосылмады. Менің түсінбейтінім неге олай болады? Ақылға қонымсыз. Неге бөліп жармай бірдей қоспайды? Екеуінің айлығында разница болу керек қой.

Жауап:

Сәлеметсізбе, Қазақстан Республикасы Үкіметінің «Азаматтық қызметшілерге, мемлекеттік бюджет қаражаты есебінен ұсталатын ұйымдардың қызметкерлеріне, қазыналық кәсіпорындардың қызметкерлеріне еңбекақы төлеу жүйесі туралы» Қазақстан Республикасы Үкіметінің 2015 жылғы 31 желтоқсандағы № 1193 қаулысына өзгерістер енгізу туралы» қаулысының 2 қосымшасында біліктілігі жоғары деңгейлі санаты жоқ мамандар (0-13жыл аралығына дейін), біліктілігі орташа деңгейлі санаты екінші (0-20жыл аралығына дейін), және біліктілігі орташа деңгейлі санаты жоқ мамандардың (толық), еңбек өтіліміне сәйкес, коэффициенттері өзгертіліп, төленуде.    Сонымен қатар, ағымдағы жылы 1 маусымнан бастап жалақының өсуі жоспарланғанын хабарлаймыз.  

19 наурыз 2019 12:00   Дауленбаев Ержан Оразбаевич

Жұмыс мәселесі

Саламатсызба? Мен Мұнайлы ауданы Жаңа Дәулет ауылының тұрғыны. 2018 жылы дене шынықтыру және спорт мамандығын бітірдім.1 жыл болды мамандығымен жұмыс таба алмай жүрмін. Аудандық білім бөлімі басшысына Овезов Есен ағайға 2018 жылдың мамыр айында түйіндеме тапсырғанмын Қызыл төбе елді мекеніне қарасты №13 мектеп ашылайын деп жатканда .Одан кейінде хабарластым кыркүйек айында,кеше ағымдағы жылдың ақпан айында тағы білім бөліміне барғанымда менің мамандығыммен бос жұмыс орны жоқ екенін айтты. Одан бері міне 1 жыл өтті Мұнайлы ауданында 2 мектеп ашылды бұл мектептен басқа. Осы мәселені шешуіңізді сізден өтнініп сұраймын.

Жауап:

Маңғыстау облдысының білім басқармасына жазған арызыңыз бойынша төмендегіні хабарлайды.   Қазіргі таңда Дәулет ауылындағы №4 жалпы білім беру орта мектебінде дене шынықтыру пәні бойынша бос орын жоқ екендігін, алдағы уақытта 2019-2020 оқу жылында  осы жұмыс мәселесі жөнінде Даулет ауылдық округі 55 ғимарат 24 орамда орналасқан «Мұнайлы аудандық білім бөлімі» мемлекеттік мекемесіне келу қажет екендігін қаперіңізге береді.  

11 наурыз 2019 15:54   Мураткали Салауат Мураткалиулы

Балабакша

Саламатсызба openmangystau деген сайт аркылы ортаншы баламды бала-бакшага коя алмадым, компьютерди жаксы менгере тура кезекке кою дегенди таппадым консультант немесе cool-орталык барма сизде? Сайтта коп сбой болады кирми калатын кездери коп

Жауап:

Құрметті Салауат Мұратқалиұлы! Техникалық себептерге байланысты балабақшаға e.openmangystau.kz жүйесі арқылы кезекке қою уақытша тоқтатылды. Балабақшаға: электронды түрде egov.kz порталы арқылы кезекке тұруды жалғастыруға,  e.openmangystau.kz порталы арқылы кезекті қарауға және жолдаманы алуға болады. Порталдарға жеке электронды цифрлық кілт (ЭЦК) көмегімен кіре аласыз. Қосымша ақпаратты 8(7292)57-12-04 нөміріне хабарласып, білуіңізге болады.  

Сейдалиев Аскар Абиевич

Начальник управления